Сёння пасля цяжкай хваробы памёр протаіерэй Сергій Гардун. | Хрысціянская візія: НЕ ВАЙНЕ!
Сёння пасля цяжкай хваробы памёр протаіерэй Сергій Гардун. Біблеіст, каардынатар перакладу Святога Пісання і літургічных тэкстаў на сучасную беларускую мову (нагадаем, што ў 2017 годзе выйшаў Новы Запавет па-беларуску), чалавек, які ведаў 9 моваў і выхаваў 6 дзяцей…
Сярод сяброў “Хрысціянскай візіі” ёсць вучні протаіерэя Сергія. Мы ўсёй камандай шчыра спачуваем сям’і, родным і блізкім спачылага пастыра, падзяляючы з імі боль страты. Спадзяемся, што ўсе добрыя справы айца Сергія знойдуць варты працяг. Вечная яму памяць!
—
Глыбінёю мудрасці чалавекалюбна ўсё будуючы, і падаючы ўсім карыснае, адзіны Творца, упакой, Госпадзі, душу спачылага раба Твайго протаіерэя Сергія, бо ён надзею палажыў на Цябе, Тварца і стваральніка і Бога нашага!
Са святымі упакой, Хрысце, душу раба Твайго, там дзе няма ні болю, ні смутку, ні стогнаў, але жыццё бясконцае!
Бо Ты ўваскрасенне і жыццё, і ўпакаенне спачылых рабоў Тваіх, Хрысце, Божа наш, і Табе славу ўзносім, з Беспачатным Тваім Айцом і Прасвятым, і Добрым і Жыватворчым Тваім Духам, цяпер і заўсёды і на векі вякоў!