— Къамаьл предложенеех латт, предложенеш дешаех латт, дешаш оа | г1алг1аймотт/ингушскийязык

— Къамаьл предложенеех латт, предложенеш дешаех латт, дешаш оазех латт, алапаш оазий хьаракаш да... Вай багах дӀаоалараши вай лергашта хьахозараши оазаш я. Вай кулгашца Ӏояздераши вай бӀаргашца Ӏодешараши алапаш да, — ях аз, берашта урок луш. — Кхетий шо? ЛадувгӀалаш дика! Юха а кердадоаккх аз: къамаьл предложенеех латт, хӀаьта предложенеш... Масса тайпара хул предложенеш?
— Кхаь тайпара!
— МалагӀаш я уж?
— Айдареи, дувцареи, хаттареи!
— Нийса да...
— Наьсаре-м дукха хул хьона уж, — йоах цхьан кӀаьнко.
— Фу? — хоатт аз.
— Предложенеш! — жоп лу цо. — Базар т1а хиннавеций хьо?
— Хиннав...
— Цига хул-кх уж дукха, наха ювцаш...
(I. Х а ш а г у л ь г о в . )