#Биз_коррупцияга_қаршимиз Ўзбекистон тадбиркорлари диққати | Жиззах вилояти Савдо саноат палатаси расмий канали

#Биз_коррупцияга_қаршимиз

Ўзбекистон тадбиркорлари диққатига!

Юртимизда фаолият кўрсатаётган тадбиркорлар учун янада қулай ишбилармонлик ва жозибадор инвестиция муҳитини яратиш, тадбиркорлик фаолиятини қонунийлик, очиқлик ва ошкораликка асосланган коррупцияга қарши тамойиллар асосида амалга ошириш тизимини жорий этиш мақсадида “Ўзбекистон бизнесининг коррупцияга қарши курашиш Хартияси” қабул қилинди.

Хартия қоидаларини амалга ошириш мақсадида Хартияга қўшилиш ва Хартия аъзоларининг Ягона Реестрини юритиш тартиби тўғрисида Низом ишлаб чиқилди ва тасдиқланди.

Хартияга аъзо бўлган тадбиркорлар коррупцияга нисбатан ўзининг тоқатсизлигини тасдиқлаб, контрагентлари, мижозлари ва ҳамкорлари олдида мутлақ коррупциясиз бизнес юритишини, шунингдек коррупцион муносабатларга киришишни қатъий рад этишини намоён қилади.

Хартия хақидаги батафсил маълумотлар ҳамда “Коррупцияга қарши курашиш Хартияси аъзолигига қўшилиш ва ягона Реестрни юритиш тартиби тўғрисида”ги Низом билан сайтимизда танишишингиз мумкин.

Ўзбекистон бизнесининг коррупцияга қарши курашиш Хартиясига қўшилиш истагида бўлган тадбиркорлар Ўзбекистон Савдо-саноат палатасига 78 150-60-06 рақамли ишонч телефони ёки info@chamber.uz электрон почтаси орқали мурожаат қилишлари мумкин.

Савдо-саноат палатаси барча тадбиркорларимизни бизнесда коррупцияга қарши курашиш мақсадида “Ўзбекистон бизнесининг коррупцияга қарши курашиш Хартияси”га аъзо бўлишни таклиф этади.

Chamber.uz|Facebook|Instagram|Telegram