МОЛИТВА ПРОРОКУ БОЖИЮ ИЛЬЕ Православная Церковь 2 августа пра | Андрей Телиженко/Andrii Telizhenko
МОЛИТВА ПРОРОКУ БОЖИЮ ИЛЬЕ
Православная Церковь 2 августа празднует день памяти святого праведного пророка Ильи.
За свою пламенную ревность о Славе Божией пророк Илия был взят на небо живым в огненной колеснице.
ТРОПАРЬ
Во плоти Ангел, пророков основание, второй предтеча пришествия Христова Илиа славный, свыше пославый Елисееви благодать недуги отгоняти и прокаженныя очищати, темже и почитающим его точит исцеления.
КОНДАК
Пророче и провидче великих дел Бога нашего, Илие великотеимените, вещанием твоим уставивый водоточныя облаки, моли о нас единого Человеколюбца.
МОЛИТВА
О святый пророче Божий Илие, моли о нас Человеколюбца Бога, да подаст нам, рабам Божиим (имена), дух покаяния и сокрушения о гресех наших, и всесильною Своею благодатию да поможет нам пути нечестия оставити, преспевати же во всяком деле блазе, и в борьбе со страстьми и похотьми нашими да укрепит нас; да всадит в сердца наши дух смирения и кротости, дух братолюбия и незлобия, дух терпения и целомудрия, дух ревности ко славе Божией и о спасении своем и ближних доброе попечение.
Отврати от нас предстательством твоим праведный гнев Божий, да тако в мире и благочестии поживше в сем веце, сподобимся причастия вечных благ во Царствии Господа и Спаса нашего Иисуса Христа, Ему же подобает честь и поклонение, со Безначальным Его Отцем и Пресвятым Духом, во веки веков. Аминь.
