За надпісы ў падтрымку Украіны асудзілі жыхара Кобрыну. Працэс праходзіў не ў будынку суду
7 сакавіка ў Кобрыне на фасадах будынкаў з'явіліся надпісы:
"Слава Украіне", "Смерць рашысцкім акупантам". На наступны дзень гэтыя выказванні былі замаляваныя. Ды 18 сакавіка з'явіліся яшчэ некалькі:
"Лукашысты-фашысты", "Слава Украіне".
За гэтыя надпісы распачалі крымінальную справу супраць
Кавалёва Уладзіміра Мікалаевіча, у яго дома зладзілі вобшук.
А 27 чэрвеня пачаўся суд
. Працэс праходзіў паказальна і таму адбываўся не ў будынку кобрынскага суду, а ў мясцовым політэхнічным каледжы.
Сёння ж
суддзя Таццяна Каберская агучыла прысуд: прызнаць Кавалёва вінаватым па арт.341 КК
(Апаганьванне збудаванняў і псаванне маёмасці). Ды прызначыла яму
2 гады абмежавання волі без накіравання ў папраўчую ўстанову (так званая "дамашняя хімія").
Крыніца: https://brestspring.org/tpost/0hokv9ahn1
Фота ілюстрацыйнае.