Вясна | Брэст

2022-08-01 18:14:10 Палітзняволеную актывістку Алену Гнаўк больш за месяц утрымліваюць у карцары

Па інфармацыі сваякоў, адміністрацыя баранавіцкага СІЗА ужо амаль паўтара месяца утрымлівае 65-гадовую актывістку Алену Гнаўк у карцары. Прычыны не паведамляюцца.

9 жніўня ў Брэсцкім абласным судзе разгледзяць апеляцыйную скаргу Гнаўк. Рашэнне будзе прымаць суддзя Святлана Крамянёўская.

Да разгляду апеляцыйнай скаргі Алену можна падтрымаць грашовым пераводам, пасылкай або бандэролькай, а таксама тэлеграмамі. Стрыжні, канверты, маркі і паперу вы можаце дасылаць ёй разам з лістамі салідарнасці.

Нагадаем, 17 чэрвеня палітзняволеную асудзілі на тры з паловай гады калоніі ва ўмовах агульнага рэжыму і штраф 3200 рублёў. Алену прызналі вінаватай па двух артыкулах Крымінальнага кодэкса.

Адрас для падтрымкі: СІЗА-6. 225413, г. Баранавічы, вул. Брэсцкая, 258 В, Алена Пятроўна Гнаўк Відкрити / Коментувати

2022-08-01 16:28:35 Палітвязня Віталя Іванюковіча, затрыманага па «справе Зельцэра», асудзілі да двух гадоў калоні за «дыскрэдытацыю Беларусі»

Жыхара Каменца Віталя Іванюковіча затрымалі амаль год таму за каментар пад відэа з перастрэлкай паміж супрацоўнікам КДБ Дзмітрыем Федасюком і it-спецыялістам Андрэем Зельцэрам. Спачатку яго абвінавачвалі ў абразе міліцыянта і распальванні варожасці, але потым справу перакваліфікавалі на арт. 369-1 Крымінальнага кодэкса — «Дыскрэдытацыя Беларусі».

Справу Віталя пачалі разглядаць яшчэ 19 ліпеня ў судзе Жабінкаўскага раёна. 28 ліпеня суддзя Віктар Новік прызнаў Іванюковіча вінаватым у «дыскрэдытацыі Беларусі» і асудзіў яго да двух гадоў пазбаўлення волі ў калоніі ва ўмовах агульнага рэжыму.

Чытаць па спасылцы

Падтрымайце палітвязня: СІЗА-7, 224030, Брэст, Савецкіх памежнікаў, 37, Віталь Міхайлавіч Іванюковіч
Напісаць анлайн bit.ly/3PIOcjz Відкрити / Коментувати

2022-08-01 15:12:05 Баранавіцкую актывістку Тамару Патоцкую аштрафавалі за «распаўсюд экстрэмісцкіх матэрыялаў»

Лідэрку баранавіцкай суполкі Беларускай сацыял-дэмакратычнай партыі (Народная Грамада), сябру ініцыятыўнай групы Ціханоўскай Тамару Патоцкую 28 ліпеня выклікалі ў міліцыю, але на волю не выпусцілі. За кратамі жанчыну ўтрымлівалі амаль суткі да суда. У РАУСе на яе склалі пратакол па арт. 19.11 КаАП (распаўсюд экстрэмісцкіх матэрыялаў). 29 ліпеня баранавіцкая суддзя Аксана Копач прызнала Тамару вінаватай і прызначыла 640 рублёў штрафу (20 базавых велічыняў). На волю жанчына выйшла ў той жа дзень. Відкрити / Коментувати

2022-07-31 18:05:43 У Баранавічах праходзяць ператрусы ў раней асуджаных за абразу загінулага былога падпалкоўніка ГАУС Аляксея Гецьмана.

Нагадаем, як паведамляла «Наша Ніва», Гецьман атрымаў несумяшчальную з жыццём траўму, нырнуўшы і ўдарыўшыся галавою аб дно.

Праваабаронцам стала вядома пра некалькі ператрусаў у людзей, якіх раней асудзілі за абразу Гецьмана. Як паведамляюць мясцовыя жыхары, навіну пра смерць Гецьмана актыўна каментавалі ў мясцовых чатах. Верагодна, сілавікі правяраюць, ці не пакідалі з гэтай нагоды «няправільных» каментароў людзі, якіх раней ужо асудзілі за абразу міліцыянта.

Пасля ператрусаў людзей завезлі ў міліцыю, але потым адпусцілі.

Таксама вядома, што ў горадзе апошнія дні адбываюцца і іншыя «палітычныя» ператрусы ў мясцовых жыхароў.

Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце @viasna_bot

Паведаміць пра затрыманне і атрымаць бясплатнае юрыдычнае кансультаванне @ViasnaSOS, @SosViasna Відкрити / Коментувати

2022-07-31 15:14:53 Павіншуй палітвязняў берасцейшчыны з Днём народзінаў!

7 жніўня
Ігар Лаптановіч — актывіст з Пружанаў, сустракае другі запар Дзень народзінаў у няволі. Разам з жонкай яго асудзілі за "карагод" (акцыю пратэсту, якая адбылася ў Берасці 13.09.2020). Таксама Ігара абвінавачвалі ў паклёпе на чальцоў выбарчай камісіі. Агулам яму прысудзілі 2.5 гады калоніі. Жонку Ігара Юлію судзілі 2 разы па палітычных справах, другі прысуд быў нядаўна: 5 год калоніі. У пары дома засталіся трое малых дзяцей.
Падтрымаць палітвязня можна па адрасе:
ПК № 3. 211322, Віцебская вобласць, г.п. Віцьба
Лаптановіч Ігар Анатольевіч

8 жніўня
Уладзімір Кацюбка — атрымаў прысуд у выглядзе 1.5 гадоў калоніі за тое, што паўдзельнічаў у вывешванні манекена (лялькі-чучала) з надпісам «АМАП». Гэта было расцэнена як Злоснае хуліганства (ч.2 арт.339 КК). Сустракае другі запар Дзень народзінаў за кратамі.
Павіншаваць берасцейца можна па адрасе:
ПК № 22. 225295, Брэсцкая вобласць, г. Івацэвічы, ст. Даманава, а/с 20
Кацюбка Уладзімір Мікалаевіч Відкрити / Коментувати

2022-07-30 17:05:19 За граффити "Нет войне!" и другие протестные надписи в Ляховичах осудили работника ЖКХ

В ночь с 23 на 24 апреля в Ляховичах на гараже возле городской бани появилась надпись: "Нет войне!". Ее закрасили. Потом в ночь с 15 на 16 мая снова появились граффити, на этот раз три штуки: "No war!", "Luka", "убийца!". Их также зарисовали.

За эти надписи в середине июля осудили по уголовной статье работника бани Касумова Александра Мирзаевича. Баня находится на балансе ляховичского ЖКХ, и именно в ЖКХ устроили суд над Александром.

В результате судья Будник признала мужчину виновным по статье 341 УК "Осквернение зданий и порча сооружений". Учла, что до суда он добровольно возместил ущерб в 10 рублей и 72 копейки — и назначила полтора года ограничения свободы.

Подробнее: https://brestspring.org/tpost/al4rux4ev1 Відкрити / Коментувати

2022-07-30 09:30:47 Палітзняволеную Зінаіду Міхнюк перавялі ў гомельскую жаночую калонію

У Брэсцкім абласным судзе 12 ліпеня разглядзелі апеляцыйную скаргу палітзняволенай актывісткі прафсаюза РЭП Зінаіды Міхнюк. Суддзя Вера Філонік пакінула прысуд без зменаў. Цяпер стала вядома, што днямі Зінаіду этапавалі ў гомельскую калонію № 4.

Нагадаем, на Дзень Волі ў Брэсце сілавікі праз акно ўламіліся ў дом актывісткі незалежнага прафсаюзу РЭП Зінаіды Міхнюк, правялі ператрус, а потым затрымалі яе. Жанчыну абвінавацілі ў абразе Лукашэнкі па ч.1 арт. 368 Крымінальнага кодэкса. 18 траўня суд прызначыў палітзняволенай два гады калоніі.

Падтрымайце Зінаіду лістамі салідарнасці: ПК № 4, 246035, г. Гомель, вул. Антошкіна, 3, Зінаіда Феадосіеўна Міхнюк (на лістах пазначайце «каранцін»)
Напісаць анлайн Відкрити / Коментувати

2022-07-29 17:11:57 Затрыманні ў Пружанах

Праўладныя тэлеграм-каналы паведамляюць пра затрыманне дырэктара швейнай фірмы Сяргея Вакульчыка. На «пакаяльным відэа» 45-гадовы мужчына кажа, што быў затрыманы за тое, што на сваей старонцы ў Аднакласніках размясціў фотаздымак з нацысцкай сімволікай. Паведамляецца, што Сяргею прызначылі 15 сутак арышту.

Таксама вядома пра затрыманне былога следчага Максіма Куроўскага. Папярэдне, яго затрымалі за каментары ў інтэрнэце.

Паводле непацверджанай інфармацыі, усяго ў Пружанах затрымана чатыры чалавекі.

Хроніка палітычнага пераследу bit.ly/3oCd5kH

Аператыўна паведаміць пра затрыманне, вобшук, выклік «на гутарку» можна ў нашым тэлеграм-боце @viasna_bot

Паведаміць пра затрыманне і атрымаць бясплатнае юрыдычнае кансультаванне @ViasnaSOS, @SosViasna Відкрити / Коментувати

2022-07-29 16:05:00 Сильно пьяным поехал на границу, думая вступить в батальон Калиновского. Из Беларуси так и не выехал, но за то что хотел стать добровольцем получил 2.5 года колонии

14 апреля на фоне очередных семейных проблем Сергей Войтюк уехал из дома. С собой у него были только водительские права, сигареты, телефон и 2 литра пива. Впрочем, и без этого пива он был уже порядочно пьян.

Сергей решил поехать в Украину и присоединиться к добровольцам, и об этом говорил всем встречным. Даже беларуским пограничникам, которые его "развернули" и посоветовали ехать домой. Но мужчина лишь сделал вид что возвращается назад.

Потом события развивались быстро: поля и канавы, чужой дом, задержание. А сейчас суд по уголовной статье. Прокурор Богуш просил признать виновным в покушении на участие в вооруженном конфликте на территории другой страны (ч.1 ст.14 и ч.1 ст.361-3 УК) и назначить 2.5 года колонии. Судья Кременевская именно такой приговор и вынесла.

Подробнее историю Сергея читать тут: https://brestspring.org/tpost/uoi7lucc81 Відкрити / Коментувати

2022-07-29 14:35:47 У Бярозе агучылі прысуд па «справе Зэльцэра» Віктару Хлябцу. Мужчыне з інсуліназалежным дыабетам далі 1.5 гады калоніі, за кратамі ён ужо 5 месяцаў

«І наадварот, яны нібы падштурхоўваюць. На жаль, чалавек загінуў, але мусара задумаюцца, карацей — мінус адзін мусар».

За такі каментар судзілі Віктара Хлябца. Паведамленне было пакінута ў закрытым тэлеграм-чаце. 21 ліпеня, калі суд пачынаўся, Віктар цалкам не прызнаваў сваю віну. Але ж 28 ліпеня змяніў сваю пазіцыю і на апошнім слове віну прызнаў. З чым звязана раптоўная змена пазіцыі, дакладна невядома.

Ды ўчора бярозаўская суддзя Натталля Вакульчык пастанавіла: прызнаць Хлябца вінаватым па арт.369 КК (Абраза прадстаўніка ўлады). Ды назначыць пакаранне, якое прасіў пракурор Аляксандр Круцько: паўтары гады калоніі агульнага рэжыму. Відкрити / Коментувати