2022-07-28 17:20:39
Апошнія навіны пра палітзняволеных бацьку і сына Віталя і Ягора Пракапчукоў
Святлана Пракапчук — жонка і маці палітзняволеных
Віталя Пракапчука і
Ягора Пракапчука. Жанчына доўгі час дамагалася таго, каб патрапіць на працяглае спатканне і да мужа ў віцебскую калонію, і да сына ў Івацэвічы. І нарэшце ёй далі дазвол на два спатканні, але праблема ў тым, што іх паставілі ў адзін дзень — 29 чэрвеня. У выніку сын сказаў ёй, каб яна ехала да бацькі, бо да яго было цяжэй атрымаць дазвол. Адразу пасля пераводу ў «Віцьбу» Віталю далі зразумець, што прасіць спатканне яму не трэба, інакш — ШІЗА. Віцебскі Дэпартамент выканання пакаранняў на просьбу Святланы аб спатканні раней адказаў, што палітвязня яго пазбавілі, а ад «скайпа» нібыта Віталь адмаўляецца.
Спатканне доўжылася двое сутак. Муж трымаецца добра, але за час зняволення пагоршылася здароўе — праблемы з сэрцам і ціскам. Пры гэтым жанчына адзначае, што перадаваць у калонію можна толькі беларускія лекі. Таксама ўжо амаль месяц ад мужа не было званкоў, але па якой прычыне — невядома.
20-гадовы Ягор у калоніі двойчы моцна перахварэў на каранавірус. Маці мяркуе, што гэта адбылося, калі сына змяшчалі ў штрафны ізалятар. Але настрой у хлопца добры і ён не губляе бадзёрасці.
1 жніўня Віталь адзначыць Дзень народзінаў за кратамі. Яму споўніцца 47 гадоў.
Нагадаем, Ягора разам з бацькам затрымалі яшчэ ў жніўні 2020 года па справе аб масавых беспарадках у Брэсце (ч. 2 арт. 293 КК). 10 сакавіка 2021 суд прысудзіў бацьку і сыну па 4 гады калоніі.
Повязь кратамі: якія сем’і апынаюцца ў турмах
Падтрымаць Ягора лістамі і паштоўкамі: ПК №22, 225295, Брэсцкая вобласць, г. Івацэвічы, ст. Даманава, а/с 20,
Ягор Вітальевіч Пракапчук Павіншаваць Віталя са святам: ПК №3, 211322, Віцебская вобласць, г.п. Віцьба,
Віталь Андрэевіч Пракапчук
16 views14:20