НАВРЎЗ МУБОРАК Бойчечек тўшалган даланг муборак, Қирни бағрин суйган лоланг муборак. Қалдирғочни хониши ноланг муборак, Азиз элим наврўзинг, айём муборак. Юзингда ярқирар шабнаминг бугун, Шоиранг тебратар қаламин бугун. Кўнглингда яшиллик малҳаминг бу кун Азиз элим наврўзинг, айём муборак. Карнай- сурнай ноласи оламни тутар, Барча қувнок шод бугун ғамни унутар. Момо кўзларига ялпизни суртар, Азиз элим наврўзинг, айём муборак. Дошқозонда сумалак қиз, жувон малак, Талашиб қўзғашар толиқмас билак. Сумалакни ҳар тоши умид ва тилак, Азиз элим наврўзинг, айём муборак. Кўзлари чақнаган отлар галаси, Виқорла шошилар кўпкар даласи. Бунчалар шод бугун ўзбек боласи, Азиз элим наврўзинг, айём муборак. Бойчечак тўшалган даланг муборак , Қирни бағрин суйган лоланг муборак. Қалдирғочни хониши ноланг муборак, Азиз элим наврўзинг,айём муборак. Дилфуза Саттарова Каналга уланиш @xamshiralaruchun https://t.me/+BGqhxQBihKxhM2Yy 21.8K views., edited 02:57
