Беларускі фонд спартыўнай салідарнасці / BSSF

2023-07-25 15:05:23 Беларускі гандбаліст Кірыл Самойла заключыў 4-гадовы кантракт з польскай "Віслай".

Кірыл Самойла, гулец зборнай Беларусі, перайшоў у польскі гандбольны клуб "Вісла". Зараз ён будзе гуляць у Лізе чэмпіёнаў.

Як паведамляе яго новы клуб, Кірыл ужо знаходзіцца ў Польшчы і праходзіць рэабілітацыю пасля траўмы калена. Вось што ён распавядае пра свой трансфер:

Нарэшце выступлю ў Лізе чэмпіёнаў — гэта самы высокі ўзровень у клубным гандболе. Апроч таго, хочацца адчуць, што такое польская ліга. Для мяне гэта першы досвед выступу за мяжой, крок уверх па лесвіцы.

Facebook | YouTube | Instagram | Twitter | Падтрымаць фонд Відкрити / Коментувати

2023-07-25 12:33:24 Славутая лёгкаатлетка і народная дэпутатка Вярхоўнай рады Украіны Вольга Саладуха выказалася наконт магчымага допуску спартоўцаў с Беларусі і рф да Алімпіяды:

Спадзяюся, што ні МАК, ні французскі ўрад не прымусяць нас зрабіць складаны выбар: байкатаваць Алімпіяду ці паціснуць руку тым, на кім кроў украінцаў.

Сама меней 317 спартоўцаў і трэнераў загінулі. Гэта не толькі салдаты на фронце, але і людзі ў тыле. Вораг мэтанакіравана і планамерна знішчае нашу спартыўную інфраструктуру. На сённяшні дзень пашкоджаны 343 спартыўныя аб'екты, 95 з іх цалкам разбураны.

Іншым рашэннем можа стаць падпісанне антываеннай дэкларацыі расейскімі і беларускімі спартоўцамі, якія хочуць прыняць удзел у Гульнях. Яны павінны асудзіць вайну пуціна. Пасля гэтага тыя, хто падпіша такі дакумент, змогуць сфарміраваць каманду бежанцаў і выступіць на Алімпіядзе.

Нагадаем, што Міжнародны алімпійскі камітэт рэкамендаваў дапускаць да спаборніцтваў беларускіх і расейскіх індывідуальных атлетаў у нейтральным статусе, калі яны не дапускалі "актыўнай падтрымкі вайны", а таксама не маюць кантракта з ваеннымі або сілавымі структурамі Беларусі або рф.

Крыніца: AFP

Facebook | YouTube | Instagram | Twitter | Падтрымаць фонд Відкрити / Коментувати

2023-07-23 20:55:29 Уладзіслаў Вашчук, былы футбаліст зборнай Украіны, кіеўскага Дынама і маскоўскага Спартака, уступіў у шэрагі Нацыянальнай гвардыі Украіны.

У сваім Інстаграм-акаўнце ён распавёў пра тое, што ўжо быў накіраваны на сваё першае баявое заданне.

Вось што Уладзіслаў гаворыць пра сваё рашэнне:

Не думаў, што самым частым пытаннем будзе пытанне маёй асабістай матывацыі, але адкажу — таму што ў мяне ёсць жаданне дапамагчы сваёй краіне ў цяжкі час. Думаў, што гэта ўсім зразумела. Так, я шмат займаўся валанцёрствам, дапамагаў вайскоўцам, але ў пэўны момант адчуў, што дабрачынныя акцыі, сродкі, якія пералічваюцца ў ЗСУ і г.д. — гэтага недастаткова.

Так, я ўсяго толькі маленькі вінцік у вялікім механізме, але раблю тое, што лічу патрэбным. Высунутая адной з расейскіх гаўнакрыніц версія пра тое, што "увлечение нацистской идеологией привело этого странного персонажа в ряды вооруженных формирований киевского режима" (с), хоць і шакуе сваёй крэатыўнасцю, смеласцю здагадак і высноваў, таксама, вядома, заслугоўвае ўвагі. Няхай так і будзе, калі лягчэй успрымаць гэтую інфармацыю. Відкрити / Коментувати

2023-07-23 13:12:12 Як праходзіў майстар-клас Віталя Гуркова

15 ліпеня ў Кіеве шматразовы чэмпіён па тайскім боксе, вольны спартовец Віталь Гуркоў правёў майстар-клас. Семінар прайшоў у сценах клубу SPARTABOX сумесна з Кіеўскай федэрацыяй тайскага боксу і клубам Slavia-Skif.

50% ад продажу квіткоў былі накіраваныя на падтрымку Узброеных сіл Украіны

Паглядзіце, як гэта адбывалася Відкрити / Коментувати

2023-07-22 15:46:40 Юныя данецкія роварысты атрымалі новую экіпіроўку ад НАК Эстоніі

Беларускі фонд спартыўнай салідарнасці разам з дабрачынным фондам Вольгі Саладухі пры падтрымцы Нацыянальнага алімпійскага камітэту Эстоніі перадалі юным спартоўцам Данецкага спецыялізаванага каледжа новую форму ад Nike.

Вось як каментуе падзею славутая лёгкаатлетка і народная дэпутатка Украіны Вольга Саладуха:

Мне ўдвая прыемна дапамагаць установе адукацыі з роднага горада. Спадзяюся, што пройдзе няшмат часу, і каледж зможа вярнуцца ў вызвалены Данецк, і мы ўсе разам яго павіншуем. А пакуль жадаю юным роварыстам сіл, энергіі, натхнення і перамог!

Беларускі фонд спартыўнай салідарнасці выказвае шчырую падзяку НАК Эстоніі, прэзідэнту камітэта Урмасу Сыырумаа, генсакратару Сіму Суклесу, кампаніі Nike, фонду "Дабрачынныя ініцыятывы Вольгі Саладухі", а таксама ўсім сябрам і партнёрам.

Facebook | YouTube | Instagram | Twitter | Падтрымаць фонд Відкрити / Коментувати

2023-07-20 12:32:15 Міжнародная федэрацыя гімнастыкі дапусціла расейскіх і беларускіх спартоўцаў да міжнародных спаборніцтваў пад нейтральным сцягам.

Такое рашэнне прыняў выканаўчы камітэт FIG.

Удзел асобных нейтральных спартоўцаў з Беларусі і рф будзе суправаджацца некалькімі мерамі, якія будуць апісаны ў спецыяльных правілах, накіраваных на забеспячэнне строгай адпаведнасці патрабаванням нейтральнасці. Любы спартовец, жадаючы атрымаць статут індывідуальнага нейтральнага спартоўца, павінен падаць заяву ў FIG у адпаведнасці з правіламі.

Спартоўцы, якім дадзены гэты статус, будуць мець права ўдзельнічаць у спаборніцтвах FIG з 1 студзеня 2024 года.

Крыніца: FIG

Facebook | YouTube | Instagram | Twitter | Падтрымаць фонд Відкрити / Коментувати

2023-07-19 14:54:51 МАК пазбавіў Лондан права на правядзенне адборачных спаборніцтваў да Алімпійскіх гульняў 2024 года.

Падставай стала пазіцыя ўрада Велікабрытаніі наконт беларускіх і расейскіх спартоўцаў: ад іх патрабуецца падпісаць дэкларацыю аб нейтралітэце для ўдзелу. Яны павінны былі заявіць, што не падтрымліваюць вайну ва Украіне і расейскае кіраўніцтва, а таксама адмовіцца ад дзяржаўнага фінансавання. Міжнародны алімпійскі камітэт назваў гэта дыскрымінацыяй.

Лондан быў павінен прыняць кваліфікацыйныя турніры на летнія Гульні-2024 па брэйк-дансе, скейтбордынгу, спартыўным скалалажанні і веламотакросе. Які горад прыме турніры замест Лондана, МАК пакуль не аб'явіў.

У МАК падкрэслілі, што іх палітыка ў дачыненні да беларускіх і расейскіх спартоўцаў у тым, што яны павінны выступаць як нейтральныя ўдзельнікі, не мець сувязей з узброенымі сіламі і не рабіць заяў у падтрымку расейскага ўварвання ва Украіну.

Крыніца: The Times

Facebook | YouTube | Instagram | Twitter | Падтрымаць фонд Відкрити / Коментувати

2023-07-18 18:11:50 "Спорт — гэта палітыка, і трэба забыць, што ён па-за ёй"

Вольга Саладуха, народная дэпутатка Украіны і старшыня Федэрацыі лёгкай атлетыкі Украіны, выказалася наконт удзелу расейскіх і беларускіх спартоўцаў у Алімпіядзе:

Я з першых дзён прытрымлівалася пазіцыі, што трэба ціснуць на міжнародныя органы і адхіліць расейскіх спартоўцаў ад усіх міжнародных спаборніцтваў. Мы памятаем, як на Паралімпійскіх гульнях яны ішлі са сцягам, але наш уплыў спрацаваў. Потым была трагедыя ў Бучы, Гастомелі, Ірпені... І тады нас быццам бы пачулі, сказалі, што "трэба адхіліць расейскіх і беларускіх спартоўцаў, іх не павінна быць ні ў якім відзе спорту".

Але праз некаторы час мы пачулі крытыку з ААН, што мы ўмешваемся ў спорт, а ён павінен быць без палітыкі. Зараз ужо ўсе зразумелі, што спорт — гэта прамая палітыка, і трэба забыць, што ён па-за ёй.

Я была на шматлікіх сустрэчах, у прыватнасці, на еўрапейскім узроўні, якія тычыліся санкцый супраць агрэсараў. Мы будзем прасіць правесці слуханні ў камітэтах Еўрапарламента, у прыватнасці, з удзелам прадстаўнікоў МАК, еўрадэпутатаў, НАК Украіны, спартыўнай грамадскасці.

Я супраць байкоту Алімпіяды, нам трэба ехаць у Парыж і дэманстраваць наш сцяг. Калі Вадзім Гутцайт прыязджаў да нас на Еўрапейскія гульні, ён казаў, што ў яго была сустрэча з Еўрапейскімі алімпійскімі камітэтамі, і, маўляў, яны нас чуюць. Але 26 ліпеня будзе чарговае пасяджэнне выканкама Міжнароднага алімпійскага камітэта, дзе мы паглядзім, наколькі нас пачуюць.

Крыніца: Informator

Facebook | YouTube | Instagram | Twitter | Падтрымаць фонд Відкрити / Коментувати

2023-07-15 16:30:30 Паглядзіце, як сёння праходзіў майстар-клас ад Віталя Гуркова ў Кіеве

Сёння ў Кіеве вольны спартовец Віталь Гуркоў праводзіў свой майстар-клас па тайскім боксе ў сценах клубу SPARTABOX сумесна з Кіеўскай федэрацыяй тайскага боксу і клубам Slavia-Skif.

Семінар праходзіў на дабрачыннай аснове, 50% ад продажу квіткоў будуць накіраваны на падтрымку ЗСУ Відкрити / Коментувати

2023-07-13 17:18:55 Станіслаў Драгун: "Не трэба рабіць з мяне апазіцыянера"

Экс-гулец БАТЭ і зборнай Беларусі даў "пакаяльную" прэс-канферэнцыю ў Доме футбола, якая была праведзена сумесным рашэннем з Мінспорту. Станіслаў распавёў пра завяршэнне кар'еры, аднак зрабіў і больш цікавыя заявы:

Для гэтага ў тым ліку сабрана гэтая прэс-канферэнцыя, каб я мог адкрыта асабіста заявіць: не трэба рабіць з мяне апазіцыянера. Я не падпісваў ніякіх лістоў, нікуды не з'ехаў, я люблю сваю краіну, я хачу працаваць на карысць беларускага футбола, калі яму спатрэбяцца мае веды і назапашаны досвед.

Але і сёння ўвесь час даводзіцца адчуваць ціск. У 2020 году я з ім не зладзіўся, хоць гуляў на вялікіх стадыёнах, выпрабоўваў эмацыйны прэс шматтысячнага натоўпу заўзятараў.

Усім вядома запісанае ў тыя дні футбалістамі відэа "супраць гвалту". Але мы запісвалі яго выключна з мірнай мэтай, супраць гвалту з усіх бакоў і не меркавалі, што пасля яно будзе ўспрымацца як нейкае суперапазіцыйнае. Усе людзі супраць гвалту - гэта аксіёма. Аднак потым з іншага боку ўсё перакруцілі так, што з нас зрабілі ворагаў рэжыму.

А далей — больш: відэа ім ужо стала мала, наступны крок — ідзі на барыкады, кудысьці яшчэ. Не, хлопцы: стоп, хопіць. Я яшчэ перад хаосам 2020-га ў адным з інтэрвію сказаў: гэта не мая вайна. Я не палітык, я футбаліст. Гэтай пазіцыі прытрымліваюся і зараз. Паспрабаваў, зразумеў: гэта зусім не тое, чым варта займацца прафесійнаму спартоўцу.

Facebook | YouTube | Instagram | Twitter | Падтрымаць фонд Відкрити / Коментувати