Радыё Свабода — Беларусь (Telegram)
На менскай «хіміі» зьняволеных прымушаюць галасаваць датэрмінова.
А назіральнікаў выклікаюць яшчэ і ў пракуратуру
Праваабарончы цэнтар «Вясна» паведамляе, што на ПУАТ № 55 у Менску сядзельцаў прымусова вядуць на датэрміновае галасаваньне. У гэтым месцы свае тэрміны адбываюць 13 палітвязьняў.
Таксама праваабаронцы паведамляюць, што ў у пракуратуру на «прафіляктычную гутарку» выклікаюць назіральніка зь Віцебску. Як толькі ён пачаў пісаць скаргі, яго адразу папрасілі пакінуць участак «праз каранавірус». Не пасьпеў прыйсьці дадому, як яму патэлефанавалі з пракуратуры і запрасілі прыехаць да іх для «прафіляктычнай гутаркі». У выпадку, калі ён не прыедзе ў пракуратуру сам, прыгразілі, што пракурорскія супрацоўнікі прыедуць да яго.
Архіўны здымак, БелаПАН
