Еўрапейскія каталіцкія СМІ сочаць за сітуацыяй з рэпрэсаванымі святарамі ў Беларусі
Каталіцкая прэсавая служба Аўстрыі напісала пра адміністрацыйны арышт кс. Андрэя Вашчука і штраф кс. Яўгену Учкуронісу. Разам з гэтым СМІ падкрэслівае, што “з-за масавых дзяржаўных рэпрэсіяў каталіцкія біскупы краіны на працягу некалькіх месяцаў не жадаюць крытыкаваць парушэнні правоў чалавека.”
На нямецкім domradio.de выйшаў артыкул “Рэжым у Беларусі арыштоўвае каталіцкага святара. Сістэмная крытыка непажаданая.” Журналісты таксама звяртаюць увагу, што Канферэнцыя Каталіцкіх Біскупаў Беларусі захоўвае маўчанне ў выпадках ціску на святароў.
Інфармацыйны партал Варшаўскай архідыяцэзіі падрыхтаваў матэрыял з назвай “У Беларусі арыштаваны ксёндз. Гэта не першы пераследаваны духоўны.” Польскае СМІ звяртае ўвагу на сістэмныя рэспрэсіі каталіцкага духавенства ў Беларусі.