Тут мог быць тэкст пра тое, як апошні тыдзень беларусы фэйсбука аб’ядналіся і канчаткова перамаглі намаганні ўкраінскіх лідараў думак падымаць беларускія пытанні. Ледзь не паспяшалася. Не перамаглі.
Працягну пісаць відавочныя, але вельмі, як паказвае практыка, важныя і дастасоўныя для беларусаў рэчы пра ўкраінцаў.
Украінцы ведаюць, што ва Украіне ёсць яшчэ шмат праблемаў, акрамя вайны. Украінцы ведаюць, дзе ў праблемах Украіны вінаваты самі ўкраінцы. Украінцы могуць злавацца і рабіць памылкі, але самарэфлексія, самаіронія і самасвядомасць у сярэдняга ўкраінца на даволі высокім узроўні.
Вялікая частка ўкраінцаў падтрымлівае беларусаў, ведае і разумее праблемы Беларусі, нягледзячы ні на агрэсію краіны Беларусь, ні на агрэсію ліберальных беларусаў у каментах. Навошта сваю самасць паказваць, ваюючы ў каментарах з украінцамі, якія вас падтрымліваюць? Ды ўвогуле, чаму з украінцамі?