Палізняволенай з Пружанаў сёння агучылі прысуд: 5 гадоў калоніі
У абласным судзе Гродна сёння агучылі прысуд
Юліі Лаптановіч. Суддзя
Віктар Сянько прызнаў жанчыну вінаватай па дліннаму шэрагу артыкулаў, і прызначыў
5 гадоў калоніі, да таго ж сплаціць 19 базавых штрафа (608 рублёў), а таксама
5000 рублёў маральнай кампенсацыі на карысць аднаго пацярпелага пракурора.
Нагадаем, што Юлю судзілі па наступных артыкулах Крымінальнага Кодэксу:
арт.188 (Паклёп);
ч.3 арт. 203-1 (Незаконныя дзеянні ў дачыненні да персанальнай інфармацыі);
ч.1 арт.361-4 (Садзейнічанне экстрэмісцкай дзейнасці);
ч.1 арт.13 і арт.369 (Стварэнне ўмоваў для здзяйснення абразы прадстаўніка ўлады);
ч.1 арт.13 і арт.389 (Стварэнне ўмоваў для здзяйснення пагрозы ў дачыненні да суддзі);
ч.6 арт.16 і ч.1 арт.366 (Садзейнічанне да пагрозы гвалтам у дачыненні да службовай асобы).
Ды гэта быў ўжо другі судовы працэс над Юліяй. Раней яе асудзілі па так званай "карагоднай" справе. А яе
муж Ігар — палітзняволены, асуджаны да 2.5 гадоў калоніі.
