2022-04-14 16:21:26
Палітзняволеную Алену Гнаўк перавялі ў пружанскі ІЧУ
У пачатку сакавіка актывістку з Пружанаў
Алену Гнаўк накіравалі ў «Навінкі» для псіхіятрычнай экспертызы. Потым яе праз «Валадарку» этапавалі ў баранавіцкі СІЗА. Але стала вядома, што ўчора яе перавялі ў ІЧУ Пружанаў.
Нагадаем,Алене выставілі абвінавачванне па двух артыкулах Крымінальнага кодэкса: ч. 2 арт. 367 (паклёп на Лукашэнку) і арт. 369-1 (дыскрэдытацыя Беларусі).
Згодна з матэрыяламі справы, Гнаўк у лістападдзе 2021 размясціла ў Facebook і Instagram «загадзя ілжывыя звесткі аб прававым становішчы замежных грамадзян у Рэспубліцы Беларусь, што было накіравана на прычыненне істотнай шкоды дзяржаўным інтарэсам». У пастах Алена распавядала пра курдскія сем’і і становішча мігрантаў у Беларусі. Раней, паводле двух іншых артыкулаў, Алену асудзілі да 3 гадоў «хатняй хіміі».
Цяпер жанчыне пагражае да 6 гадоў калоніі. Падтрымайце Алену: ІЧУ АУС Пружанскага райвыканкама, 225133, Брэсцкая вобласць, г. Пружаны, вул. Савецкая, 36,
Алена Пятроўна Гнаўк
379 views13:21