2021-10-07 10:36:56
Жанчыне прысудзілі два гады «хатняй хіміі» за каментар у «Аднакласніках»
У судзе Баранавічскага раёна і г. Баранавічы 6 кастрычніка разглядзелі крымінальную справу ў дачыненні да
Валянціны Пісарук, якую вінавацілі ў абразе праўстаўніка ўлады паводле арт. 369 Крымінальнага кодэкса.
Згодна з абвінавачваннем, 27 жніўня
Валянціна Пісарук знаходзілася дома і са свайго тэлефона пакінула у сацыяльнай сетцы «Аднакласніках» пад фота намесніка начальніка Кобрынскага РАУС па ідэалагічнай і кадравай працы
Віктара Турчыновіча, размешчаным іншым карастыльнікам, абразлівы каментар, які з'яўляецца негатыўнай ацэнкай пацярпелага, грубай, ненарматыўнай формай маўленчага выказвання ў адрас прадстаўніка ўлады.
Жанчына ў судзе сваю віну прызнала і патлумачыла, што пад фатаграфіяй пацярпелага хтосьці з карыстальнікаў сацсеткі напісаў, што ён збіваў людзей падчас пратэстаў, таму яна на эмоцыях напісала зняважлівае слова.
Пацярпелы ў суд не з’явіўся, прасіў разглядаць справу без яго ўдзелу, заявіў грамадзянскі пазоў на кампенсацыю маральнай шкоды ў памеры 1000 рублёў.
Падчас спрэчак бакоў пракурор
Вадзім Карачун прасіў суд прызнаць Валянціну Пісарук вінаватай і празначыць ёй пакаранне ў выглядзе абмежавання волі без накіравання ў папраўчую ўстанову адкрытага тыпу тэрмінам на два гады, тэлефон абвінавачанай канфіскаваць у даход дзяржавы, а таксама задаволіць пазоў пацярплага ў разумных і справядлівых межах.
Суддзя
Сяргей Данільчык пастанавіў —
пакараць жанчыну двума гадамі «хатняй хіміі», а таксама спагнаць на карысць пацярпелага
кампенсанцыю маральнай шкоды ў памеры 1000 рублёў.
Крымінальную справу разглядзелі за 30 хвілін.
287 views07:36