2021-10-10 19:42:00
У пятніцу меўся адбыцца суд па апеляцыйнай скарзе 7-ай групы фігурантаў карагоднай справы. Але ж паседжанне адклалі.
Нагадаем, што 4 жніўня Маскоўскі суд Брэста прызнаў 11 чалавек вінаватымі ў "грубым парушэнні грамадскага парадку" з-за акцыі пратэсту 13.09.2020. А аднаго з абвінавачаных —
Ігара Лаптановіча — таксама прызналі вінаватым у паклёпе на сябраў выбарчай камісіі. У выніку 10 абвінавачаных атрымалі "хімію" ці "дамашнюю хімію", а Ігар Лаптановіч —
два з паловай гады калоніі.
8 кастрычніка ў Брэсцкім абласным судзе пачаўся разгляд апеляцыйных скаргаў на гэткі прысуд. Справу разглядала калегія з трох суддзяў (
Груда, Сянько, старшыня
Крэмянеўская). Але ж з самага пачатку высветлілася, што адзін з фігурантаў справы,
Андрэй Касцюк,
не быў загадзя праінфармаваны пра паседжанне.
Як сцвярджаў на апеляцыйным паседжанні Касцюк, пра дату ды час ён дазнаўся з інтэрнету. Суддзя Крэмянеўская сказала, што ў яе ёсць звесткі, што 29.09.2021 Маскоўскі суд Брэста даслаў Касцюку адпаведную SMS, то бок мужчына быў належна праінфармаваны пра суд. Касцюк праверыў свой тэлефон, сказаў што за тую дату мае только адно паведамленне, ад службы дастаўкі піццы. Суддзя выказала меркаванне, што Касцюк проста выдаліў SMS, на што мужчына адказаў, мяўляў, яму няма для чаго была выдаляць паведамленне.
Даведка: пра любое крымінальнае паседжанне яго ўдзельнікі павінны быць праінфармаваны належным чынам ды загадзя (не меньш чым за 5 дней) згодна з ч.4 арт.281 ды ч.3 арт.376 Крымінальнага працэсуальнага кодэксу. Пры парушэнні гэтага тэрміну судовае паседжанне павінна быць перанесена.
Але ж зусім не пытанне (не)належнага інфармавання Касцюка пра суд стала прычынай таго, што паседжанне ўсё ж такі адклалі. Бо пасля вышэйпераданай размовы суддзі Крэмянеўскай з Касцюком, суддзя проста перайшла да пытання належнага інфармавання пра паседжанне іншых удзельнікаў працэсу.
З-за чаго ж суд быў прыпынены?
На этапе заяўлення адводаў і хадайніцтв,
муж і жонка Лаптановічы агучылі хадайніцтва аб пераносе суду з-за хваробы адвакаткі Ігара Лаптановіча. Ігар пацвердзіў такую просьбу да суду
праз відэасувязь, на якую ён выйшаў з СІЗА-7. Высветлілася, што адпаведнае хадайніцтва было пададзена яшчэ да суду, ды абласны суд паспеў праверыць: так, абаронца знаходзіцца на бальнічным, хварэе. Хадайніцтва прыпыніць паседжанне было падтрымана ўсімі бакамі, нават
пракуроркай Таццянай Цыбуляй.
Вынік: разгляд апеляцыйнай скаргі ад 7-й групы фігурантаў "карагоднай" справы
перасенены да папраўцы адвакаткі Лаптановіча, папярэдне
да 22 кастрычніка.
288 views16:42