2021-09-01 06:36:14
Жаннат юртим
Жаннат юртим, жон тупроғинг айлай зиё кўзимга,
Сиғмас бахтим қалб қасрига, боқсанг қиё юзимга.
О, сен каби бордир онам, кўксим тўла ифтихор,
Ўраб гулга меҳрингни айт, сочдингми-ё изимга.
Боқ, сен бирла кўнглим уйи - мангу бўстон, Ватаним.
Эрксевар Сўғд, қадди Чимён, қадим Турон, Ватаним,
Гавҳар эксам, унгай тўлиб олтин тупроқларингда,
Кавсар суви балққай кулиб, ҳар бир ирмоқларингда.
Ал Бухорий дарсин ўқиб, бахт тонгида уйғониб,
Қизғалдоқдек ял-ял ёниб, ўсдим қучоқларингда.
Пешонамдан ўпган азиз, танти боғбон Ватаним.
Аз Замаҳшар, пок Нақшбанд бандидан қон, Ватаним.
Ҳар чўпонинг бир Широқдир, ғайрати жўш юради,
Шоҳ Искандар маликангни фақат тушда кўради.
Эй, Навоий меҳри сингган, бағри оташ ҳур диёр,
Бобуршоҳинг қалби ҳамон қучоғингда уради.
Тўмарисдан шонли мерос, метин қўрғон Ватаним.
Алп Темурга олтин бешик, марди майдон, Ватаним.
Палахмон чарх эл бошига отганида тошини,
Мискин дунё дарду-ғамдан экканида бошини,
Ал Беруний айлаб кўксин қалқон фалак тошига,
Ибн Сино бу оламнинг артганди кўз ёшини.
Минг дард борки, ўзинг танҳо, асл дармон Ватаним,
Ал Фаробий маслагида чақнаган кон, Ватаним,
Сен бўлингач, чақнаб чақин, оғритганда дилларинг,
Чаманларни излаб сарсон кезганида елларинг,
Эл, деб, Шермуҳаммадларинг, Қодирий, Усмонларинг,
Ёнди ёрқин Чўлпонларинг, равшан этиб йўлларинг.
Қаддим сен тик этган Ислом, тинч, ҳур замон Ватаним.
Бахтимга бўл саждагоҳим, мангу омон, Ватаним.
Абад қудрат манбаи сен, ўтли қалқоним менинг,
Чин саодат маскани сен, нурли бўстоним менинг.
Зиё, шавкат, шоним ўзинг, тоза иймоним ўзинг,
Она юртим, жонажоним, Ўзбекистоним менинг.
Бўлсин фидо шаънинг учун шул азиз жон, Ватаним,
Дилда буюк мақсади бор - Ўзбекистон Ватаним.
Ҳамид Насруллоев
🆀 🅻 🅶 🆅🅷 🆁🅸
•┈┈┈┈•❈••✾••❈•┈┈┈┈•
#Сиз_севган_канал.
@Qalbgavhar
•┈┈┈┈•❈••✾••❈•┈┈┈┈•
1.4K views03:36
Х
