Жиззах вилояти Савдо саноат палатаси расмий канали

2022-06-08 14:26:30 #ССП_янгиликлари

Жамоатчилик экспертизаси ўтказилган яна бир норматив-ҳуқуқий ҳужжат лойиҳаси хусусида

Жорий йилнинг ўтган даври мобайнида 381 та норматив-ҳуқуқий ҳужжат лойиҳаси Палата томонидан кўриб чиқилиб, Жамоатчилик экспертизаси хулосалари берилди.

Ўзбекистон Республикаси Оила ва хотин-қизлар давлат қўмитаси томонидан ишлаб чиқилган Ўзбекистон Республикаси Вазирлар Маҳкамасининг "Маҳаллаларда хотин-қизларнинг бандлигини таъминлаш ва саломатлигини мустаҳкамлаш марказлари фаолиятини ташкил этиш тўғисида"ги Қарори лойиҳаси жамоатчилик экспертизасидан ўтказилиб, у юзасидан Жамоатчилик экспертизаси хулосаси берилди.

Лойиҳада тадбиркорлардан келиб тушадиган таклифларни ўрганиб чиқиш, таклифларнинг ким томонидан кўриб чиқилиши, тадбиркорлик субъектини аниқлаб олиш тартиби, рад жавоби берилиши, унинг асослари ва муддати, бундай қарор устидан шикоят бериш тартиби каби масалалар ва у билан боғлиқ процедуралар келтирилмаган.

Бу эса, ҳуқуқни қўллаш амалиётида бўшлиқларни, турли ноаниқликлар ва тушунмовчиликларни келтириб чиқариб, норматив-ҳуқуқий ҳужжатни турлича талқин қилиш имконини беради ҳамда коррупциявий ҳолатларга шароит яратади.

Батафсил сайтимизда.
https://jz.chamber.uz/uzk/news/10081 Відкрити / Коментувати

2022-06-08 13:55:46 Ун нархида пасайиш кузатилмоқда

Ўтган даврда “Ўздонмаҳсулот” АЖ таркибидаги 44 та корхоналар томонидан биржа савдоларига 45,0 минг тонна 1-навли ун қўйилди ва улардан 43,8 минг тоннаси, яъни 97 фоизи сотилди.

Уннинг очиқ биржа савдоларига ўтказилиши ва унинг бозордаги таклиф даражасини ошиши натижасида биржадан ташқари бозорларда бир қоп унинг нархи май ойига нисбатан ўртача 270-290 минг сўмдан 240-260 минг сўмгача пасайган.

@jizchamber Відкрити / Коментувати

2022-06-08 12:59:10 #Қонунчиликдаги_янгиликлар

Пахта ва дон экин майдонларида сувни тежайдиган технологияларни қўллаш учун субсидиялар ажратилади

Ҳукумат қарори (315-сон, 07.06.2022 й.) билан Пахта ва бошоқли дон экин майдонларини суғориш учун қайта тикланувчи энергия манбалари ҳамда кўчма генераторлар каби ускуналарни сотиб олиш харажатларининг бир қисмини қоплаш тартиби тўғрисидаги низом тасдиқланди.

Низомга кўра, талабгорларга 10 гектардан кам бўлмаган, сувни тежайдиган суғориш технологиялари жорий этилган пахта ва бошоқли дон экин майдонларини суғориш учун:

қайта тикланувчи энергия манбалари ускуналарини сотиб олиш харажатларининг 50 фоизигача, бироқ 100 млн сўмдан ортиқ бўлмаган миқдорда;

кўчма генераторлар ускуналарини сотиб олиш харажатларининг 30 фоизигача, бироқ 30 млн сўмдан ортиқ бўлмаган миқдорда субсидия берилади.

Талабгорлар субсидия ажратиш юзасидан ариза билан туман ҳокимлигига мурожаат қилади.

Шунга кўра, ҳужжатлар мурожаат келиб тушган кундан бошлаб 10 иш кунида ўрганиб чиқилади.

Ҳудудий ишчи гуруҳ:

ҳар 10 кунда талабгорга субсидия ажратиш тўғрисидаги хулосаларни тушган кундан эътиборан умумлаштириб, таҳлил қилади;
субсидия оладиган талабгорларнинг рўйхатини 1 августгача Сув хўжалиги вазирлигига, 20 ноябргача Қишлоқ хўжалиги вазирлигига тақдим этади.

Шунга асосан, вазирликлар томонидан субсидиялар тегишлича 10 августгача ҳамда 1 декабргача ажратилади.

Каналга уланиш
https://t.me/jizchamber Відкрити / Коментувати

2022-06-08 12:33:12 Президент Шавкат Мирзиёев раислигида бўлиб ўтган видеоселектор йиғилишида хизматлар соҳасида амалга оширилаётган ишлар муҳокама қилинди ҳамда навбатдаги устувор вазифалар белгиланди.

Батафсил — юқоридаги #инфографикада.

ССП Жиззах вилояти худудий бошкармаси Ахборот хизмати Відкрити / Коментувати

2022-06-08 12:15:14 Тадбиркорлар учун хуш хабар!

jz.chamber.uz расмий саҳифаларига аъзо бўлинг:

Telegram Live | Facebook | Instagram |

ССП Жиззах вилояти худудий бошқармаси Ахборот хизмати Відкрити / Коментувати

2022-06-08 07:11:43 Бугун 8 июнь, чоршанба.

Бутунжаҳон океанлар куни;

1786 — Нью-Йорк шаҳрида илк музқаймоқлар сотувга чиқарилган;

1946 — Халқаро журналистлар ташкилотига асос солинди;

1949 — Жорж Оруэллнинг "1984" романи нашр этилди;

Ушбу санада туғилганлар: интернет асосчиси Тим Бернерс-Ли (1955), Экологик партия раҳбари Борий Алихонов (1961), икки карра олимпия чемпиони, футболчи Хавьер Маскерано (1984).

jz.chamber.uz расмий саҳифаларига аъзо бўлинг:

Telegram Live | Facebook | Instagram |

ССП Жиззах вилояти худудий бошқармаси Ахборот хизмати Відкрити / Коментувати

2022-06-07 15:56:35 Ўзбекистондаги илк мебел экспорт марказининг очилиши

Жорий йилнинг 7-июн куни "Буюк" мебел экспорт марказининг очилиш маросими бўлиб ўтди.

Тадбирда Ўзбекистон Республикаси Инвестициялар ва ташқи савдо вазири ўринбосари Aзиз Войитов, Туркий давлатлар ташкилоти Бош котиби ўринбосари Мирвоҳид Aзимов ва Савдо-саноат палатаси раиси Даврон Вахобов қатнашди.

Марказнинг мақсади Ўзбекистон мебел экспортёрларини бир жойга жамлаш, ташқи бозорни қамраб олиш ва аҳоли учун қулайлик яратишдан иборат.

Маълумот учун, 2022-йилнинг дастлабки икки ойида Ўзбекистон 14 та хорижий давлатларга қиймати 1,6 млн. AҚШ долларига тенг бўлган мебел маҳсулотларини экспорт қилган. Мебел маҳсулотлари экспорти ўтган йилнинг мос даври билан солиштирилганда 1,1 млн. AҚШ долларига ошган. Відкрити / Коментувати

2022-06-07 14:53:47 Йиғилишда Кадастр агентлигига йил якунигача 20 та вазирликнинг кадастр маълумотларини Миллий геоахборот тизимига тўлиқ киритиш топширилди.

1 сентябрга қадар 205 та туман ва шаҳарда 253 та махсус савдо ва хизмат кўрсатиш кўчаларини ташкил этиш режа қилинган.

Ушбу мақсадлар учун ўтган йили республика бюджетидан
1,4 триллион сўм, жорий йилда эса 900 миллиард сўм ажратилди.

Масалан, Жиззах шаҳри “Жиззахлик” маҳалласидаги боши берк кўча Шароф Рашидов марказий кўчасига боғланиб, 1,4 километр автомобиль йўли, пиёдалар ва велосипед йўлакчалари барпо этилган. Савдо ва сервис объектларига туну-кун ишлашга рухсат берилган.

Натижада, илгари ушбу ҳудуддаги 1 квадрат метр жой
2-3 млн сўмга ҳам сотилмаган бўлса, ҳозир нархи
8-9 млн сўмга етган. Энг муҳими, савдодан тушган маблағларни бошқа кўчаларнинг инфратузилмасини яхшилашга йўналтириш ишлари бошланган.

Вилоят ҳокимларига Жиззах тажрибаси асосида 1 тадан кўчани танлаб, уларни серқатнов кўчаларга улаш орқали сервисни ривожлантириш лойиҳасини бошлаш топширилди. Відкрити / Коментувати

2022-06-07 13:53:12 Аукционга таклиф этилган 45 мингта ернинг 3 мингтаси келишиладиган идоралар томонидан қайтарилгани кўрсатиб ўтилди.

Бунга асосий сабаб ҳудудларнинг бош режаси ёки архитектура режалаштириш лойиҳаларининг йўқлигидир.

Шаҳарларнинг бор-йўғи 30 фоизида бош режа, қишлоқларнинг 1 фоизида архитектура режалаштириш лойиҳалари мавжудлиги танқид қилинди.

“Очиқ айтиш керак, шаҳарларнинг бош режасини ишлаб чиқишни давлат лойиҳа институтлари “монополия” қилиб олган.

Инвестиция дастурлари доирасида давлат лойиҳа институтларига ҳар йили катта маблағлар ажратилаяпти, лекин биронта туман ёки шаҳарнинг бош режаси охирига етказилмаган. Нархлар ҳам чет эллик ёки хусусий лойиҳа ташкилотлари нархларига нисбатан бир неча баробар қиммат.

Шу боис, қурилиш соҳасини трансформация қилиш бўйича ҳам алоҳида муҳокама ўтказаман”, - деди давлат раҳбари. Відкрити / Коментувати

2022-06-07 13:52:25 Йиғилишда вилоят ҳокимлари олдига тегишли идора ва ташкилотлар билан бирга сервис ва хизмат кўрсатиш объектларида яратилган доимий янги иш ўринларини ярим йил якуни билан 300 мингтага, йил якунига қадар эса
яна 800 мингтага етказиш вазифаси қўйилди.

Бу кўрсаткичларни уддалаш мумкинлиги Бухоро вилояти мисолида тушунтирилди.

Мисол учун, Бухоро шаҳридаги тадбиркорлар эски шаҳардаги меҳмонхона, ошхона, савдо дўконларининг том қисмида ресторан ва кафетерийлар ташкил этган.

Шу каби шаҳарнинг 8 та марказий кўчасида жойлашган давлат ташкилотларининг 50 га яқин биноларининг 1-қаватида
100 дан зиёд ресторан ва кафетерийлар, сервис жойларини ташкил этиш имкони мавжуд.

Вилоят ҳокимларига Бухоро тажрибасини 28 та шаҳар, барча туман марказлари ҳамда пойтахт туманларида жорий қилиш топширилди.

Иқтисодий тараққиёт вазирлигига республика бўйича давлат идораларининг балансидаги, йўл бўйларида жойлашган
4 мингга яқин маъмурий биноларидан сервис соҳасида самарали фойдаланиш бўйича дастур ишлаб чиқишга кўрсатма берилди. Відкрити / Коментувати