Вясна | Брэст

2022-06-24 15:26:57 Затрымалі былую настаўніцу з Іванава, якая адбывае "дамашнюю хімію" за рэпосты пра міліцыянтаў

Як паведамілі берасцейскай "Вясне", 23 чэрвеня затрымалі Алену Пуцыковіч. Яна пайшла на 16:00 "адзначацца" у мясцовым РАУСе, але ж адтуль не выйшла.

Вядома, што апошнім часам на жанчыну ціснула крымінальна-выканаўчая інспекцыя: ўжо 2 разы Алену Пуцыковіч прыцягвалі да дысцыплінарнай адказнасці за нібыта парушэнні ўмоваў "дамашняй хіміі", ды самі ўмовы адбыцця хіміі ёй мянялі ў горшы бок.

Нагадаем, што Пуцыковіч асудзілі 14 красавіка 2021 года за "паклёп". Тады суд Іванаўскага раёну (Берасцейская вобласць) назначыў Алене Пуцыковіч 2.5 гады абмежавання волі без накіравання ў ПУАТ. Падставай для той крымінальнай справы сталі рэпосты жанчыны пра дзвюх міліцыянтаў. Відкрити / Коментувати

2022-06-24 14:03:09 Мужчына з Бярозы ледзь паспеў адбыць тэрмін за абразу амапаўца, як атрымаў новы — за абразу супрацоўніка ІСН

Суд Бярозаўскага раёна вынес рашэнне па справе Юрыя Юдчыца, якога абвінавачвалі ў здзяйсненні злачынства паводле арт. 369 КК «Абраза прадстаўніка ўлады». На судовае пасяджэнне мужчына прыйшоў проста напярэдадні свайго першага працоўнага дня на новым месцы — 23 сакавіка яму прысудзілі тры арышту за абразу міліцыянта Уладзіслава Шукаева каментаром «Пазыўны — дрышч».

Як толькі мужчына вызваліўся, на яго зноў завялі крымінальную справу, і зноў — за абразу супрацоўніка міліцыі. Гэтым разам пацярпелым аказаўся начальнік інспекцыі па справах непаўнагадовых Бярозаўскага РАУС Дзмітрый Лішко.

Свае маральныя пакуты міліцыянт ацаніў у 1500 рублёў. Лішко сказаў, што ўсю пазначаную суму ён мае намер накіраваць на дабрачыннасць.

Падрабязнасці (з Беларусі — праз VPN) bit.ly/3HSgtRC Відкрити / Коментувати

2022-06-24 11:00:00 Милиционер Самосюк требует 72 тысячи рублей на процессе по "группе Автуховича". Также моральный ущерб просит компенсировать брестский омоновец

Известный многим активистам Бреста милиционер Николай Самосюк оказался в статусе потерпевшего на суде в Гродно. Там, напомним, уже больше месяца идет процесс над "группой Автуховича".

Про данный суд активно пишут госСМИ, и они не называли имени потерпевших, выступивших на суде 23 июня. Однако путем сопоставления с публичной информацией, "Брестская газета" установила: речь идет про небезызвестного Самосюка. До декабря 2020 года он работал замначальника Ленинского РОВД Бреста, а после занял должность начальниак управления охраны правопорядка и профилактики УВД Брестоблисполкома.

На акциях протеста, в том числе проходивших в 2020 году, Самосюк руководил задержаниями активистов. Про это, сообщают госСМИ, писалось в "деструктивных телеграм-каналах", там же разместили и личные данные Самосюка. Также против него, считает обвинение по делу Автуховича, готовился теракт.

За всё это Самосюк заявил иск о компенсации морального ущерба в размере 6 тысяч рублей к каждому из обвиняемых из "группы Автуховича". Т.к. в деле 12 обвиняемых, то можно сделать вывод, что суммарно Самосюк требует 72 тысячи рублей (более 28 тысяч $ по курсу Нацбанка на сегодня).

Также 23 июня на суде дал показания сотрудник ОМОНа из Бреста. БелТА сообщает, что он служит в органах внутренних дел с 2004 года, с декабря 2021 года — командир взвода ОМОНа, до этого работал командиром группы ОМОНа. От следователей омоновец узнал, что против него готовился теракт.

Про этого омоновца, т.к. он задерживал людей на акциях протеста, также писалось в телеграм-каналах. В некоторых из них были выложены личные данные, номера телефонов его семьи, данные про автомобиль. До февраля 2021 он получал угрозы, потому испытывал моральные страдания. Данный сотрудник заявил иск о компенсации морального вреда — но только к Автуховичу, и в размере 3 тысяч рублей.

Напомним, что из 12 обвиняемых по делу 6 человек из Брестской области. Они на суде заявляют о избиениях при задержании и давлении во время следствия. Відкрити / Коментувати

2022-06-24 09:52:49 Справу палітзняволенага журналіста Юрыя Ганцарэвіча, які фатаграфаваў расійскую тэхніку, перадалі ў суд

Юрый быў затрыманы 27 красавіка за тое, што нібыта сфатаграфаваў расійскую ваенную тэхніку і даслаў здымкі ў СМІ, прызнаныя беларускімі ўладамі экстрэмісцкімі. Пазней яго абвінавацілі ў «садзейнічанні экстрэмісцкай дзейнасці» (арт. 361-4 КК).

Зараз яго крымінальную справу перадалі ў Брэсцкі абласны суд. Дата суда пакуль невядомая, як і горад, у якім будзе праходзіць працэс, піша @bajby. Відкрити / Коментувати

2022-06-23 17:17:48 Сваякі палітзняволенай Паліны Шарэнды-Панасюк заяўляюць, што не могуць высветліць, дзе яна

Апошнія месяцы палітзняволеная знаходзілася ў гомельскім СІЗА №3 Гомеля. Цяпер яе там няма. Дзе жанчына, яе родным не кажуць.

«Пасля апеляцыі ў гомельскім абласным судзе, якую разгледзелі 8 чэрвеня, Паліну этапавалі з СІЗА-3. Гэта адбылося 13 чэрвеня. З таго часу месцазнаходжанне Паліны невядомае. Некалькі дзён мы спрабавалі даведацца яе месцазнаходжанне, але і ў магілёўскай турме, і ў гомельскай жаночай калоніі адмаўляюцца даць інфармацыю. Зварот маці Паліны ў Дэпартамент выканання пакаранняў таксама застаўся без адказу. Фактычна Паліна знікла», – заявіў @belsat муж жанчыны Андрэй Шарэнда.

Нагадаем, што 7 красавіка Паліне дадалі яшчэ год калоніі да асноўнага тэрміну ў два гады зняволення. Відкрити / Коментувати

2022-06-23 09:31:12 Амаль 7 тысяч рублёў. Яшчэ 2 выпадкі, калі з хлопцаў хочуць спагнаць грошы за навучанне. Яны не могуць адпрацаваць "размеркаванне", бо сядзяць з-за палітычных прысудаў

Палітвязні Андрэй Тарасавец ды Ягор Пракапчук бясплатна адвучыліся ў берасцейскім прафесійным ліцэі будаўнікоў (тую ж установу скончыў і Якаў Шафарэнка, пра якога мы нядаўна пісалі). Ягор пачаў працу пасля сканчэння вучобы, а Андрэй не паспеў.

Ды, як стала вядома берасцейскай "Вясне", суды пастанавілі спагнаць амаль 7 тысяч рублёў на дваіх. Бо замест працы па размеркаванню, хлопцы сядзяць за кратамі.

Падрабязней: https://brestspring.org/tpost/m03i4vht51 Відкрити / Коментувати

2022-06-22 19:02:11 Павіншуй палітвязняў берасцейшчыны з Днём народзінаў!

26 чэрвеня
Канцэвіч Філіп — сустрэне ўжо другі Дзень народзінаў за кратамі. З-за акцыі пратэсту, якая прайшла 10 жніўня 2020 у Берасці, атрымаў 4 гады калоніі ўзмоцненага рэжыму. Раней за тую ж акцыю пратэсту таксама да пазбаўлення волі асудзілі яго роднага брата Сімона.
Дасылайце лісты да паштоўкі па адрасе:
ПК-17. 213004, г. Шклоў, вул. 1-я Заводская, 8
Канцэвіч Філіп Віктаравіч

27 чэрвеня
Князеў Дзмітрый — спаўняецца 20 год! За тую ж акцыю пратэсту, якая адбылася ў жніўні 2020 у Берасці, асуджады да 3 гадоў калоніі.
Павіншаваць з юбілеем можна па адрасе:
ПК-22. 225295, Брэсцкая вобласць, г. Івацэвічы, ст. Даманава, а/с 20
Князеў Дзмітрый Аляксандравіч Відкрити / Коментувати

2022-06-21 21:41:28 Сілавікі ў Брэсце прымусілі ўкраінку адклеіць з машыны герб Украіны і замяніць на дзяржсцяг Беларусі

Праўладныя тэлеграм-каналы паведамляюць, што ўраджэнка Украіны, якая ўжо восем гадоў жыве ў Беларусі, «вырашыла пашукаць экстрыму» і стала чытаць не тыя інтэрнэт-крыніцы і «рэпосціць экстрэмісцкія матэрыялы».

Адзначым, што ўкраінскі герб і ўкраінскі сцяг не ўключаныя ў Спісы экстрэмісцкіх матэрыялаў у Беларусі.

Крыніца: @zerkalo_io Відкрити / Коментувати

2022-06-21 17:59:33 Палітвязня Аляксандра Плескацэвіча на «хіміі» моцна збілі. Яго перавялі ў магілёўскую турму

Як паведамляе «MAYDAY TEAM», палітзняволенага Аляксандра Плескацэвіча 16 чэрвеня пасля 20 сутак у ШІЗА міліцыянты прывезлі ў папраўчую ўстанову № 43, каб той забраў свае рэчы. Пасля гэтага палітвязня перавялі ў магілёўскую турму № 4. Паведамляецца, што ва ўстанову Аляксандра прывезлі са шматлікімі слядамі збіцця.

Нагадаем, у канцы траўня яго два разы запар пакаралі «суткамі» ў штрафным ізалятары: першыя 10 сутак былі за «неахайны выгляд», а потым яшчэ 10 — за «адмову прыбіраць месца агульнага карыстання».

Аляксандра абвінавацілі паводле ч.1 і ч.2 арт. 339 КК ("Хуліганства") за тое, што пакінуў надпісы і расфарбоўваў белай і чырвонай фарбамі хаты, слупы і будынкі ў сваёй вёсцы. Адзін з надпісаў — «Света, я вас кахаю». У выніку, у судзе Плескацэвіча асудзілі на 2 гады "хіміі".

Падтрымайце палітвязня: Турма № 4, 212011, г. Магілёў, вул. Крупскай, 99А, Аляксандр Іосіфавіч Плескацэвіч Відкрити / Коментувати

2022-06-21 15:54:57 З палітвязня, які навучаўся за кошты бюджэту, суд пастанавіў спагнаць грошы. Бо з-за знаходжання ў СІЗА ды калоніі той не адпрацаваў "размеркаванне"

Якаў Шафарэнка скончыў берасцейскі прафесійны ліцэй будаўнікоў. Паколькі хлопец навучаўся бясплатна, то быў размеркаваны на адпрацоўку у адну арганізацыю. Вядома, што Якаў знайшоў іншую фірму, куды папрасіў яго направіць — але ж да працы там не здолеў прыступіць: быў затрыманы.

З 20 снежня 2020 года Якаў у няволі. Спачатку яго трымалі ў берасцейскім СІЗА, зараз хлопец у калоніі. Яго асудзілі з-за ўдзелу 10 жніўня 2020 ў акцыі пратэсту ў Берасці.

Тым не менш, ужо паўтары гады Якаў знаходзіцца за кратамі. Ды нядаўна, у траўні 2022 года Маскоўскі суд Берасця разгледзеў пазоў пракурора П. Маўляў, хлопец не адпрацаваў размеркаванне, таму яму б трэба кампенсаваць 3605 рублёў у дзяржаўны бюджэт.

Суддзя Пётр Баброўскі пастанавіў: задаволіць пазоў на 3605 рублёў, а да таго ж спагнаць з Шафарэнка 180.25 рублёў дзяржаўнай пошліны. Відкрити / Коментувати