Беларускі фонд спартыўнай салідарнасці / BSSF

2022-05-17 12:04:29 Лёгкаатлетка Крысціна Ціманоўская прайшла медкамісію і атрымала спаборніцкую ліцэнзію ў Польшчы.

Вось што яна распавяла аб сваёй падрыхтоўцы:

Я радая, што атрымала ліцэнзію, таму што з ёй змагу нарэшце выступаць на спаборніцтвах. Цяпер чакаю прапаноў па стартах і працягваю сваю падрыхтоўку. На дадзены момант мы яшчэ нават не пачалі змяншаць нагрузку, але ўжо паступова будзем пачынаць, каб да спаборніцтваў паспрабаваць падысці ў добрай форме. Сезон будзе непрадказальны, таму што я змяніла трэнера і, натуральна, змянілася ўся трэніровачная праграма. І, безумоўна, 9 месяцаў без спаборніцтваў — гэта не самае лепшае, што можа быць у жыцці спартсмена. Таму я не чакаю нейкіх супер-вынікаў з першых стартаў, але планую разбягацца ад старту да старту.

Нагадаем, зімовы сезон Крысціна прапусціла якраз з-за адсутнасці ліцэнзіі на выступы.

Facebook | YouTube | Instagram | Twitter | Падтрымаць фонд Відкрити / Коментувати

2022-05-17 09:36:39 Беларусы ў Грузіі правялі дабрачынны паўмарафон у падтрымку Украіны

У грузінскім горадзе Батумі 200 удзельнікаў з 10 краін прабеглі дабрачынны марафон у падтрымку Украіны. Арганізатарамі спаборніцтва сталі беларуская і ўкраінская дыяспары, прадстаўнікі партыі "Лела" і "Адзіны нацыянальны рух", мэрыя Батумі, а таксама валанцёры з розных гарадоў Беларусі.

Аб мэтах свайго ўдзелу ў гэтым спартыўным мерапрыемстве гаворыць адзін з беларускіх удзельнікаў:

Удзел нават самы невялікі — прыцягненні сусветнай грамадскасці. Магчыма тут усё не мае шырокай агалоскі, але ўсё роўна грабём — хто вяслом, што чайнай лыжачкай. Таму робім усё, што можам. І калі нешта можам зрабіць зараз — то гэта трэба рабіць.

Facebook | YouTube | Instagram | Twitter | Падтрымаць фонд Відкрити / Коментувати

2022-05-17 09:19:23 ⁣62-гадовая беларуска ўзняла на Эверэст БЧБ-сцяг!
⁣
Лілія Яноўская разам з дачкой Дар'яй у складзе каманды альпіністаў узнялася на самую высокую вяршыню свету 14 мая.
⁣
Яна напісала ў сваіх сацсетках:

Мы верым у каханне, спачуванне і разуменне паміж людзьмі ў гэтым свеце. Каханне, праўда і свабода перамогуць.
⁣
liliyaianovskaia

Facebook | YouTube | Instagram | Twitter | Падтрымаць фонд Відкрити / Коментувати

2022-05-16 21:30:03 Расейскія акупанты пашкодзілі адзін з найбуйнейшых спарткомплексаў Украіны — баскетбольны «Азоўмаш» у Марыупалі.

Ён быў пабудаваны ў 2003 годзе, меў крыху больш за тры тысячы месцаў для гледачоў і быў самай вялікай ва Украіне спецыялізаванай баскетбольнай арэнай.

Абстрэламі быў істотна пашкоджаны дах комплексу, у выніку чаго ад дажджоў пацярпела сама баскетбольная пляцоўка — паркет у «Азаўмашы» быў з натуральнага дрэва. Ды і адрамантаваць арэну, хутчэй за ўсё, не атрымаецца: з часам яна будзе толькі зведваць новыя разбурэнні.

Крыніца: Трыбуна

Facebook | YouTube | Instagram | Twitter | Падтрымаць фонд Відкрити / Коментувати

2022-05-16 14:47:08 У Расіі і Беларусі не пакажуць Алімпійскія гульні 2026 і 2028 года.

Расія і Беларусь не дапушчаны Міжнародным Алімпійскім Камітэтам да ўдзелу ў тэндэры на набыццё тэлевізійных правоў для паказу Алімпійскіх гульняў з Мілана (2026) і Лос-Анджэлеса (2028). Тэндэрныя дакументы прымаліся да 25 красавіка.

Такім чынам, пад пагрозай аказваюцца тэлетрансляцыі летніх і зімовых Алімпійскіх гульняў на працягу як мінімум 4 гадоў.

Facebook | YouTube | Instagram | Twitter | Падтрымаць фонд Відкрити / Коментувати

2022-05-16 14:25:25 Больш за 200 прадстаўнікоў спорту падпісалі міжнародную Антываенную дэкларацыю!

Усё больш спартсменаў заяўляюць аб сваім непрыняцці вайны ва Украіне і падпісваюцца пад патрабаваннямі вывесці войскі з тэрыторыі Украіны і Беларусі, аднавіць тэрытарыяльную цэласнасць Украіны і прыцягнуць вінаватых да адказнасці.

Сярод іх такія зоркі спорту, як Жан Белянюк, алімпійскі чэмпіён Токіо 2020, Сцяпан Папоў, чэмпіён свету і Еўропы па самба, Беньямін Вербіч, славенскі футбаліст, Андрэй Варонін, украінскі футбаліст і трэнер, і многія іншыя.

Поўны спіс тых, хто падпісаў Антываенную дэкларацыю, вы можаце знайсці па спасылцы

Калі ваша імя не з'явілася ў афіцыйным спісе, просім звярнуцца ў наш чат-бот у тэлеграм: @bssfbot

Разам мы мацнейшыя! Відкрити / Коментувати

2022-05-16 11:54:31 Алімпійскі чэмпіён, украінскі спартсмен і палітык Жан Белянюк далучыўся да міжнароднай Антываеннай дэкларацыі спартсменаў!

Жан — украінскі барэц грэка-рымскага стылю, алімпійскі чэмпіён Токіо 2020, сярэбраны прызёр Алімпійскіх гульняў 2016 года, двухразовы чэмпіён свету і трохразовы чэмпіён Еўропы.

На гэты момант ужо больш за 200 прадстаўнікоў спорту далучыліся да Антываеннай дэкларацыі. Сярод іх зоркі спорту Украіны, Беларусі, Славеніі і іншых краін.

Наша мэта — аб'яднаць галасы спартыўнай супольнасці, якія асуджаюць ваенную агрэсію ва Украіне. Важны кожны подпіс, бо толькі разам мы можам дабіцца шмат!

Далучайцеся да міжнароднай Антываеннай дэкларацыі па спасылцы

Слава Украіне! Відкрити / Коментувати

2022-05-15 11:49:56 Дзмітрый Дарашчук, украінскі гандбаліст, далучыўся да міжнароднай Антываеннай дэкларацыі спартсменаў.

Дзмітрый эмацыйна пракаментаваў свой учынак:

Украіна пакутуе ад неадэкватных тупарылых ублюдкаў, якія не ведаюць, што такое чалавечнасць, і залучаюць у гэта беларусаў без іх ведама (проста ставяць перад фактам, як зняволеных). Нам трэба аб'яднацца супраць гэтай сістэмы, бо ахвяры гэтай вайны — ні ў чым не вінныя людзі, «Вялікая Расія» ужо прайграла і ёй няма апраўдання, прабачэння, разумення. Оркі павінны здохнуць усе, хто прыйшоў на чужую зямлю! Я не згодзен з палітыкай Пуціна (і хачу яго смерці і яго набліжаных). Усе, хто супраць гэтай сістэмы, павінны былі даўно паказаць гэта, сказаць сваё слова, ім таксама няма апраўдання!

Падпісаць Антываенную дэкларацыю можаце і вы! Калі вы прадстаўнік спартыўнай супольнасці, пераходзьце па спасылцы і запаўняйце форму. Відкрити / Коментувати

2022-05-14 17:00:51 Былы брамнік Дынама і Дняпра атрымаў кантузію пад Лісічанскам, будучы ў шэрагах ВСУ.

51-гадовага ўраджэнца Кіева ўдалося шпіталізаваць толькі праз тры дні пасля ранення. Святаслаў быў на перадавой, у эпіцэнтры баявых дзеянняў паблізу Лісічанска.

Сірота запісаўся добраахвотнікам у войска, папярэдне эвакуяваўшы сям'ю на захад Украіны.

Былы аднаклубнік Сіроты па "Дняпры" Уладзімір Шаран распавёў пра тое, што адбылося:

На жаль, падчас варожых абстрэлаў яго сур'ёзна кантузіла. На працягу трох дзён ён адчуваў сябе вельмі дрэнна, аднак праз упартыя баі шпіталізаваць яго і іншых параненых было вельмі складана. Але ў рэшце рэшт Святаслава ўдалося перавезці ў Дняпро — спачатку ён трапіў у бальніцу, а затым быў пераведзены ў ваенны шпіталь.

Facebook | YouTube | Instagram | Twitter | Падтрымаць фонд Відкрити / Коментувати

2022-05-14 15:55:28 Украінская біятланістка Крысціна Дзмітрэнка стала яшчэ адной спартсменкай, якая абараняе Украіну ад расійскіх захопнікаў.

Чэмпіёнка юнацкіх Алімпійскіх гульняў змяніла біятлонную вінтоўку на ваенны аўтамат. Вось як яна пракаментавала свой учынак:

Я ніколі ў жыцці не магла падумаць, што ўсё так будзе. Ніхто не мог падумаць. Але ў мяне няма страху перад ворагам. Страляю я ўмела, таму ў акупантаў не будзе шанцаў. Хай я часова і змяніла сваю вінтоўку для біятлона на аўтамат, але якую б зброю ні трымала ў сваіх руках — знаходжуся на спаборніцтвах або ў войску — я буду стаяць да канца! Перамога абавязкова будзе за намі!

Facebook | YouTube | Instagram | Twitter | Падтрымаць фонд Відкрити / Коментувати